Իրանի ժամանակակից բանաստեղծ Մանբուր Ովջին ծնվել է 1937թ.  Շիրազ քաղաքում։

Երկեր՝ «Ցայգի այգին», «Ծառի նիրհն ու գետնի մենությունը», «Հոգնած քաղաքը», «Սոխակը», «Կարճ՝ որպես հառաչ»...

ԱՊԱՇԱՎԱՆՔ

Ո՞ւր է երդը բարձրության,

Ո՞ւր ելարանը բարձունքի,

Որ բարձրանա ու մնա

 Բարձր՝ աշխարհի գագաթին,

Որ բարձրանաս ու մնաս

 Աղաղակես վայրենի՝

- Չե՛նք գնացել մենք պարտեզ,

 Իսկ պահն անցա՜վ

 Գարունի...

ԲՈՂԲՈՋ

Աշնան տերեւաթափին

Ասացիր՝ պիտի ավերել.

Ասացիր՝ պիտի այրել.

Նամուսը, սակայն

Հողի ու անձրեւի՝

Չուզեց դա լինի:

....

Կեռասի վառելու փայտերն անզոր

Լեցուն են բողբոջներով այսօր...

ՊԱՏՈՒՀԱՆ

Մի պատուհանի պես մթնում,

Որ խորհում է այլ պատուհանի

 Վերաբերյալ.

 Մտածում եմ քո մասին:

Պատուհանի հետեւում,

 Այն խավարի խորքում,

Ո՞ւմ համար ես

 Խորհում... առանձին։

ԱԿՆԵՐ ԱԿՆԵՐԵՒ

ԻՐԱՆԻ ԺԱՄԱՆԱԿԱԿԻՑ ՊՈԵԶԻԱ

Պարսկերեն բնագրից թարգմանությունը՝

դոկտ․ ՎԱՐԱՆԴ Ս․ՔՅՈՒՐՔՉՅԱՆԻ